Шымкентте велосипед жалға берілетін «Shymkent Bike» автоматтандырылған стансалар жобасы жүзеге асырылады. Жобаның алғашқы сатысында «Самұрық-Қазына» қорының қолдауымен 200 велосипедті сатып алу және 40 стансаны орнату көзделген. Шымкентте алғаш рет жүзеге асқалы отырған жобаның баспасөз-мәслихатына шаһар басшысы Әбдірахымов Ғабидолла, Қазақстан велоспорт федерациясының вице-президенті, «Астана» президенттік кәсіби клубының атқарушы директоры Аманбек Кульчиков, олимпиада чемпионы және велоспорт әлемчемпионы, «AstanaWomen’sTeam» әйелдер велокомандасының бас менеджері Зульфия Забирова және «Velocity» Қоғамдық қорының техникалық директоры Ерлан Жамалов қатысты. Бұл жобаны жүзеге асыру үшін қалада велосипедшілерге арналған жол салынады деп күтілуде. Оның құрылысы жақын күндері Тәуке хан даңғылы мен Тәшенов көшесінің қиылысынан басталып, Бауыржан Момышұлы даңғылына дейін жалғаспақ.